Nora Gjakova eliminohet në TOP 8

Xhudistja 21 vjeçare nga Kosova, Nora Gjakova, është eliminuar në çerekfinale të Kampionatit Botëror Rio 2013 nga brazilianja Rafaela Silva. 

Gjakova, e cila është parashikuar nga trajneri që maksimumi i arritjes së saj do të ishte 8-shja më e mirë, ka arritur pikërisht deri aty. 

Gjakova e cila shtë duke debutuar në një garë kaq të madhe ka arritur të eliminojë Melissa Rodriguezin nga Argjentina, pastaj Telma Monteiron nga Portugalia, ndërsa në luftën për arritje në çerekfinale ajo ka mposhtur holandezen Carla Grol. 

Pas eliminimit të saj në çerekfinale, ajo do të zhvillojë edhe dy luftëra tjera për të përcaktuar pozitën përfundimtare në Kampionat Botëror. 

Majlinda Kelmendi dje solli të artën botërore për Kosovën nga Rio, ndërsa edhe suksesi i Norës jep shpresa të mëdha për të ardhmen.