WROCLAW
ijf
Nora Gjakova triumfon në europian
14 November, 2014 @17:54
Xhudistja kosovare, Nora Gjakova, ka arritur të stoliset me medaljen e artë në turneun europian të xhudos U-23 që po mbahet në Wroclaw të Polonisë.
Gjakova ka mposhtur në finale Anastasiia Konkinan e Rusisë pas 4 minutave luftë për tu stolisur me medaljen e artë.
Ajo ka kaluar nga Grupi C duke e mposhtur fillimisht polaken Arleta Podolak, pas së cilës e ka mposhtur italianen Maria Centracchio për të dalë nga grupi për në gjysmëfinale të kategorisë së saj (-57 kilogramëshe).
Pas kësaj ajo ka pasur punë me dy Anastasia, së pari lituanezen Anastasija Michailova të cilën e mposhti në gjysmëfinale dhe në fund Anastasiia Konkinan e Rusisë për të arritur te medalje e artë e europianit.
Me këtë triumf, Gjakova ka dëshmuar se asaj deri më tani i është dashur vetëm pak më shumë punë për të arritur te medalja dhe tani motivimi i saj do të jetë edhe më i lartë për të vazhduar me arritje në xhudo.
Rrugëtimi i Norës drejt medaljes së artë
Faza grupore:
Faza finale:
