Para NFL Superbowl LI

Mbrojtja më e mirë në ligë gjithmonë ka mposhtur sulmin më të mirë në ligë kur janë ndeshur në SuperBowl. E njëjta mund të ngjaj edhe sonte nëse Patriots arrijnë të mposhtin Falcons.

Dhe nuk është larg mendsh që njëra ndër skuadrat më kontraverse viteve të fundit të marrin edhe një herë titullin e më të mirit. Ndoshta kësaj radhe s’do të ndihmohen nga amatorllëku i trajnerit kundërshtar.

Kur jemi tek trajnerët, BillBellichik është i aftë të bëj lëmsh pa fije skuadrën e tij për kundërshtarin. Diçka e tillë mund të pritet edhe sonte, sidomos në anën e tyre më të fortë – mbrojtjen. Kundër Steelers kishin mbyllur çdo rrugëdalje të Roethlisberger. Mbrojtja kundër Steelers dukej aq lehtë sa që në çdo pëllëmbë fushe kishte ‘patriot’ për të përfunduar sulmet e mysafirëve. Me lehtësimin e punëve nga ana e mbrojtjes, edhe për pjesën ofensive nuk kishte mbetur ndonjë punë e madhe. Ngjashëm si mbrojtja, edhe Brady gjente me lehtësi lojtarët nëpër fushë. Depërtimi ishte në nivel. Por, ajo ndeshje është kryer, dhe tani vjen kryesorja.

Atlanta ngjashëm si NewEngland, kishte dërrmuar kundërshtarët e tyre. Packers dukej sikur nuk kishin vendin në finalen e NFC. Por, Atlanta kishte një sulm vrasës. Arma kryesore duhet të jetë në dispozicion sonte – JulioJones. Si në pranim, ashtu edhe në depërtim janë tejet të suksesshëm. Dhe MattRyan me plot mëritë është shpallur MVP i sezonit. Së paku topat e tyre kanë qenë të fryrë tamam.

Gjithçka pritet të përcaktohet qysh në fillim. Falcons së fundmi kanë fituar pothuajse çdo ndeshje në të cilën kanë shënuar touchdown në posedimin e parë. Nëse ndodh ngjashëm sonte, mund të pritet një ndeshje e lehtë për ta.

Por, asgjë nuk është e lehtë me Bellichik. Një dinasti, me shumë ngjarje kontroverse e të dyshimta, ndoshta mund të prekte kreun për herë të fundit. Nuk do të ishte larg mendsh për Bradyn të pensionohej me një unazë sonte, ngjashëm siç kishte bërë Manningu. Por, ka material edhe për shumë tituj tek këta Patritos.

Ngjashëm edhe tek Falcons. Këtë sezon janë mësuar të fitojnë edhe në dy muajt e fundit të sezonit të rregullt, e edhe në përfundimtare. Nëse arrijnë të vazhdojnë këtë traditë, mund ti presim përsëri në superbowl.

Finalja e NFL, superbowl, nis sonte në ora 0:35. Mund ta ndiqni në kanalin satelitor Sat.1 dhe BBC One. Zyrtarisht, asnjë kanal në vendin tonë nuk ka transmetuar sezonin. Nuk ka informata nëse dikush do të transmetoj finalen.