Mposhtet Kosova, rrezikohet kualifikimi

Pas dy fitoreve të mëdha ndaj Norvegjisë dhe Qipros, Kosova ka pësuar humbjen e parë në parakualifikimet në futsall, që mund t’i kushtojë edhe me moskualifikim në fazën kryesore.

Ekipi ynë e filloi mirë takimin ndaj Danimarkës, duke shënuar golin e epërsisë me anë të Arbër Dobroshit në minutën e tetë të ndeshjes, por më pas danezët u kundërpërgjigjën me dy gola dhe e siguruan fitoren e tyre të parë në grup.

Me këtë rezultat Kosova e përfundoi grupin me gjashtë pikë, aq sa ka edhe Danimarka, dhe për ta siguruar pozitën e parë që dërgon në fazën kryesore, duhet ta pres rezultatin e ndeshjes ndërmjet Norvegjisë dhe Qipros.

Kjo ndeshje luhet sot nga ora 17:30, ndërsa Kosovës do t’i konvenojë vetëm fitorja e Qipros për të shkuar tutje.