PEJA OPEN 2020
Peja Open 2020, gati për edicionin e dytë
27 August, 2020 @15:54
Për herë të dytë në histori të tenisit të Kosovës, në Pejë do të organizohet një turne në kuadër të Tennis Europe.
Mes datave 31 gusht e 6 shtator, në Pejë zhvillohet turneu Peja Open 2020, turne që ishte mbajtur edhe vitin e kaluar.
Për shkak të pandemisë, ky turne këtë vit do të ketë pjesëmarrës më pak se vitin e kaluar, ndërkohë që do të zhvillohet në 4 terrene të ndryshme me pjesëmarrës të grupmoshave U16 në të dyja konkurrencat.
I organizuar nga Klubi i Tenisit Peja, Komuna e Pejës dhe Federata e Tenisit e Kosovës, ky turne është ndër turnetë e rrallë ndërkombëtar që do të zhvillohen në Kosovë këtë vit.