Perdomo, kundërshtari i ri i Nuri Seferit

Boksieri shqiptar nga Gostivari, Nuri Seferi, ka mësuar kundërshtarin e radhës me të cilin do të përballet më 11 prill në Berlin të Gjermanisë.

I njohur si ‘Taysoni shqiptar’, Seferi për kundërshtar do ta ketë boksierin nga Venezuea, Gusmyr Perdomo.

Perdomo në karrierën e tij ka të regjistruar 21 fitore dhe 3 humbje deri më tani. Ai është i pamposhtur që nga viti 2009, kur u mund nga kampioni botëror, Mikkel Kessler.

Për Nuri Seferin ky do të jetë dueli i 41-të në karrierën profesioniste. Boksieri 38 vjeçar në 13 meçet e fundit nuk ka pësuar humbje, ndërsa së fundi e kishte mposhtur françezin, Steve Herelius pas shtatë raundeve.