BOREA - GRAPELAND
FOTO / Grapeland
Rexha e Ujkani kujdesen për fitoren e Grapelandit
31 October, 2024 @23:27
Lideri i Ligës së Parë në basketboll, Grapeland, ka vazhduar rrugën me fitore, duke e mposhtur Borean në Pejë me rezultat 67-79.
Skuadra e drejtuar nga trajneri Bujar Loci, Grapeland, në shumicën e kohës e kishte kontrollin, derisa për fitoren u kujdesën Bardh Rexha e Kujtim Ujkani.
Rexha luajti me 27 pikë e 7 kërcime, kurse Ujkani me double-double prej 22 pikëve e 19 kërcimeve.
Te Borea u veçuan Genc Matoshi me 14 pikë, Altin Qallakaj e Andi Ahmeti me nga 12 pikë secili.
Grapeland ka 3 fitore pas 3 xhirove në Ligën e Parë, kurse Borea ende nuk u njoftua me fitore, sikure Vushtrria.
Në xhiron e 4, Grapeland takohet me Kosovarin, derisa Borea me Vushtrrinë.
