Shaban Tërstena promovon librin

Në hotelin Aleksandar Palace në Shkup, Shaban Tërstena, ka promovuar librin e tij “Rruga e Kampionit Olimpik” në një ceremoni ku kishte njerëz të njohur nga sporti dhe shoqëria në përgjithësi.

Tërstena i lindur në Shkup ka fituar medalje të artë Olimpike në Los Angeles 1984, ndërsa shteti i Maqedonisë e vlerëson atë ende, duke qenë se është sportisti i saj i vetëm me medalje të artë olimpike.

Mundësi i dikurshëm 51 vjeçar ka fituar 30 medalje të arta në gara të ndryshme botërore e europiane të mundjes gjatë karrierës së tij.