S’ka miliona që ma paguajnë këtë ndjenjë

Amerikanja USA Today ka botuar një shkrim për Majlinda Kelmendin, fituesen e parë të medaljes së artë për Kosovën.

Në brendësi, janë edhe citatet e Majlindës, pas triumfit në Rio 2016 në kategorinë nën 52 kilogram të xhudos.

“Të them të drejtën, erdha për të artën këtu, mirëpo tash nuk më besohet. Kjo është hera e parë që Kosova merr pjesë në LO dhe për herë të parë, e arta është triumf i madh,” ka thënë Majlinda Kelmendi, shkruan USA Today.

“Gjithmonë kam dashur të jem pjesë e LO me flamur të Kosovës dhe himnin e Kosovës. Kam ëndërruar këtë moment aq gjatë sa që kam refuzuar oferta milionëshe nga shtete tjera (për t’i reprezentuar ata). Nuk ka miliona në këtë botë që më bëjnë të ndjehem sikurse tash,” ka shtuar xhudistja 25 vjeçe nga Peja.