Ylli nuk ka të ndalur, e pesta me radhë

Vazhdon ngritja e Yllit në Superligë, ndërsa ekipi i drejtuar nga slloveni Ales Pipan po vazhdon formën e mirë, e sonte viktimë e suharekasve ka qenë Vëllaznimi.

Ylli fitoi bindshëm ndeshjen, duke triumfuar me rezultat 86-63, pasi që dominoi në çerek të parë (24-11) e pastaj menaxhoi rezultatin mirë për të siguruar fitoren.

Dy lojtarë të Yllit kyren ndeshjen me double-double, ku Jalen Nesbitt dha 19 pikë, 7 asistime e 11 kërcime, ndërkaq Lis Shoshi dha 12 pikë e bëri 13 kërcime në fitore. Arian Çallakaj shënoi 15 pikë tjera në fitore.

TABELA AKTUALE

Me 21 pikë Antwan Walker ishte më efikasi te Vëllaznimi, ndërkaq Jericole Hellems shënoi 15 pikë, 6 asistime e 5 kërcime në disfatë.

Me fitore, Ylli bëri bilancin 14-13 kur ka mbetur edhe një xhiro deri në fund të stinorit, ndërkaq është ngritur sonte në pozitë të katërt të tabelës. Vëllaznimi i gjashti, me bilanc 13-14.