Peja fiton me rekord pikë ndaj Prishtinës!

Prej se Prishtinës iu prish seria e fitoreve në vitin 2025, ekipi i Murat Bilges tashmë ka regjistruar tre humbje në të gjitha garat ku merr pjesë! Pas disafatës në Superligë, ata humbën edhe finalen e Ligës Unike, ndërkaq mbrëmë u mposhtën keq edhe nga Peja.

Peja ka shkëlqyer në çerek të fundit të ndeshjes për të vulosur fuqishëm fitoren ndaj rivalit të madh të tyre. Peja fitoi ndeshjen me 30 pikë dallim, të cilën as optimistët më të madh të verdhezinjëve nuk e kanë pritur, 100-70. Kjo është hera e parë, pas tre përballjeve tjera sezonale që Peja i dha 100 pikë prishtinasve. Ndërsa është hera e katërt që Prishtina po pranon 100+ pikë këtë sezon. Dy herë nga Vëllaznimi dhe një herë nga Prizreni, para se të pësonin 100-shen nga Peja.

Vetëm çereku i fundit i ndeshjes, 33-9 në të mirë të Pejës flet mjaft! E në këtë përballje, me nga 18 pikë të shënuara më të dalluarit te Peja kanë qenë Benas Griciunas me 18 pikë, 3 asistime e 11 kërcime, bashkë me Marquez Townsin që bëri po aq pikë të kombinuara me 5 asistime e 1 kërcim.

TABELA AKTUALE

Te Prishtina, ku gjithçka u ndalë në çerek të fundit më efikasi ka qenë Ricky Tarrant me 13 pikë, ndërsa 12 i shënoi Muhamedali Janjeva.

Fitorja bën që Peja të mbyllë xhiron XXVI në pozitë të katërt me bilanc 14-12, ndërsa Prishtina e treta, është në 16-10.