Vëllaznimi, vetëm pas vazhdimeve mposhti Borën

Në një ndeshje tepër të luftuar, Vëllaznimi ka arritur ta mposhti Borën në kuadër të xhiros XVI të Superligës vetëm pas vazhdimeve, kjo, pasi që ndeshja në kohë të rregullt përfundoi 76-76, kur Jericole Hellemsit nuk iu dridh dora dhe shënoi gjuajtjet e lira, kur kishin mbetur edhe 2 sekonda deri në fund të kohës së rregullt të ndeshjes!

E në vazhdime, Vëllaznimi tregoi cilësinë dhe vazhdoi gëzimin e festën pas fitores historike në Ligën Unike, për të fituar ndeshjen 87-78 në 5-minutëshin e parë të vazhdimeve.

E Hellems ka qenë i jashtëzakonshëm në këtë përballje. Ai luajti 42.33 minuta në këtë ndeshje duke shënuar 42 pikë, 3 asistime e 3 kërcime në fitore. Don Polloshka dha 17 pikë, 9 asistime e 5 kërcime, kurse me 16 pikë, 2 asistime e 7 kërcime lojën e përfundoi Jason Jitoboh!

TABELA AKTUALE

Bora, që shpërndau mirë pikët thjesht nuk e pati forcën për të bërë më shumë në vazhdime pas paraqitjes impresive në pjesë të parë dhe luftës së madhe në çerek të fundit. Me 21 pikë luajti Musab Mala, që shënoi më së shumti pikë prej se është lojtar i Borës, duke shutuar 5/10 për tre pikë!

Me 15 pikë ndeshjen e kreu Jetmir Zeqiri, kurse Adem Mekic përfundoi duelin me double-double prej 11 pikëve, 11 asistimeve dhe 3 kërcimeve.

Fitorja për gjakovarët bën që ata të mbyllin xhiron XXVI në pozitë të pestë me bilanc 13-13! Bora e parafundit (e shtata) ka të garantuar playoutin dhe mundësinë për shpëtimin e stinorit në Superligë që në kampionatin debutues për ata, derisa ka bilanc 8-18. Kjo, pasi që Prizreni u mposhtë nga Trepça këtë xhiro dhe humbi edhe mundësitë matematikore për mbijetesë.