BASHKIMI - KERASANI
BOROZANI/ A. P.
5 fitore rresht, Bashkimi ruan formën
13 December, 2017 @20:20
Në një ndeshje pa shumë histori, me fituesin që dihej që nga minutat e para të ndeshjes, Bashkimi ka shënuar fitore me rezultat 100-59 ndaj skuadrës së Kerasan Prishtinës.
Prizrenasit diferencën në rezultat e bënë që në çerekun e parë, i cili u mbyll 30-12, e më pas pjesa tjetër e ndeshjes u zhvillua vetëm sa për statistika, me Bashkimin që e shënoi fitoren e pestë radhazi në kuadër të Superligës.
Më të dalluarit te Bashkimi sonte ishin Samir Zekiqi me 28 pikë, 3 kërcime e 1 asistim dhe Daishon Knight me 22 pikë, 4 kërcime e 5 asistime, derisa te Kerasani u veçua Ilir Hasani me 15 pikë, 8 kërcime e 4 asistime.
Kjo fitore bën që balanci i Bashkimit pas 13 ndeshjeve të jetë 10-3, derisa Kerasani ka bilanc 3-10.
