9/9, Prishtina vazhdon fitoret

Vazhdon forma perfekte e Prishtinës në Superligën e Kosovës në basketboll.

Në ndeshjen e zhvilluar sonte, që ishte ndeshje e mbetur nga xhiroja e shtatë, Prishtina e mposhti me rezultat 63-101 skuadrën e Rahovecit, për ta shënuar kështu fitoren e 9 nga 9 takimet e zhvilluara sivjet në Superligë.

Kryeqytetasit u treguan më të mirë që nga çereku i parë dhe pas 20 minutave lojë e gjetën veten në një epërsi prej 25 pikëve, e më pas kjo epërsi u ruajt deri në fund dhe ndeshja u mbyll me fitore.

TABELA AKTUALE SUPERLIGA

Më i dalluari në këtë fitore të Prishtinës sonte ishte Andrew Lawrence me 17 pikë, 5 kërcime, 7 asistime, ndërsa nga 16, përkatësisht 15 pikë, shtuan Maxie Esho e Dardan Berisha. Te Rahoveci u veçua Kyle Sovine me 20 pikë, 4 kërcime e 1 asistim.

Pas 9 xhirove, Prishtina ka 9 fitore dhe i prin tabelës së klasifikimit, kurse Rahoveci në anën tjetër ka 6 fitore e 3 humbje.