IBRI - TIRANA
Befasohet Tirana, fitorja e parë e Ibrit
12 December, 2017 @18:45
Me fitoren e vendasve është mbyllur ndeshja në mes të Ibrit nga Rozhaja dhe skuadrës së Tiranës. Kjo fitore e malazezëve padyshim që mund të cilësohet si befasi, pasi që deri sonte skuadra nga Rozhaja nuk e kishte shënuar asnjë fitore dhe Tirana llogaritej favorite para fillimit të ndeshjes.
Vendasit e filluan mirë takimin dhe krijuan epërsi solide, e cila u ruajt deri në fund përkundër përpjekjeve të skuadrës nga kryeqyteti shqiptar deri në minutat e fundit të ndeshjes. Tirana u përmirësua dukshëm në pjesën e dytë të ndeshjes dhe për disa momente e ngushtoi rezultatin deri në 5-6 pikë, mirëpo vendasit nuk u shpërqëndruan dhe e mbyllën takimin me fitore 107-102.
Më të dalluarit te skuadra nga Rozhaja sonte ishin Gerel Simmons me 25 pikë, 4 kërcime e 3 asistime dhe Nedim Felec me 20 pikë, 7 kërcime e 4 asistime, kurse te Tirana u veçuan Gerti Shima me 32 pikë, 5 kërcime e 9 asistime dhe Endrit Hyseangolli me 30 pikë e 14 kërcime
Kjo fitore është e para për Ibrin sivjet në kuadër të Ligës Ballkanike, derisa Tirana tashmë ka bilanc 2-4.
