Tirana sonte, Bashkimi pushon këtë javë

Me fillim prej orës 17:00 Tirana zhvillon ndeshjen si mysafir në Rozhaje ndaj Ibrit në kuadër të ligës ballkanike.

Ekipi bardhekaltër është në kërkim të fitores së parë jashtë terrenit të vetë, ndërsa Ibri me trajnerin e ri Muharem Vugdalic do të kërkojë fitoren e parë të stinorit si anëtar i ri i BIBL.

Ndeshjen do ta drejtojnë treshja e referëve:  Aleksandar Davidov, Ivan Mijalkovski dhe Martin Petrovic, ndërsa komisioner është Faton Kurshumlija.

TABELA AKTUALE E BIBL

Sa i përket Bashkimit, skuadra nga Prizreni këtë javë e ka pushim në kuadër të BIBL, derisa javën që vjen do të udhëtojë për në Bullgari, për t’u ndeshur me Rilski Sportistin.

Në ndeshjet tjera të kësaj mesjave takohen: Rilski - Blokotehna sot dhe Akademik Bultex - Levski nesër.