Peja për herë të parë në finale të BIBL

Në edicionin më me kriza të ligës, Peja ka arritur që me ndeshje të fortë të shkëlqejë ndaj ekipit të Beroes për të siguruar finalen e parë të BIBL në histori të klubit, pas disa herë pjesëmarrjeje aty.

Verdhezinjtë e drejtuar nga Rami Hadar kanë shënuar fitore rutinore ndaj ekpiit bullgar për të siguruar finalen, ndërsa rezultati në fund ka qenë i thellë, 124-82 në të mirë të pejanëve.

David Joseph ka shënuar nëntë treshe në fitore, ndërsa ka dhënë 36 pikë në total, për të bërë dallimin e madh në cilësi të skuadrave, kurse Hadar i dha mundësi të gjithë lojtarëve në dispozicion të paraqiten në këtë ndeshje, ku secili shënoi së paku 2 pikë.

Të dielën, Peja luan finale ndaj ekipit izraelit, Hapoel Beer Sheva.

Finalja luhet të dielën më 30 prill me fillim prej orës 18:15.