KERASANI - RAHOVECI
Rahoveci mposht Kerasanin, merr vendin e tretë
10 December, 2017 @21:30
Pa shumë probleme, skuadra e Rahovecit ka shënuar fitore ndaj Kerasanit në kryeqytet.
‘Vreshtarët’ ishin skuadër më e mirë që nga fillimi i takimit, ndërsa skuadra vendase për asnjë moment nuk ishte në gjendje ta rrezikojë fitoren e kundërshtarit dhe ndeshja u mbyll me rezultatin përfundimtar 69-84.
Më të dalluarit në këtë fitore të Rahovecit ishin Gazmend Sinani me 21 pikë e 4 kërcime dhe Mustafë Merovci me 16 pikë e 10 kërcime, ndërsa te Kerasani u veçua Alban Latifaj me 24 pikë, 10 kërcime e 3 asistime.
Pas 12 xhirove, Rahoveci ngjitet në vendin e tretë, ndërsa Kerasani mbetet në të parafundit.
