Prishtina nis përgatitjet për stinorin e ri

Në stinorin e kaluar mbetën pa trofe, ndërsa Prishtina këtë stinor ka nisur gjithçka më herët, ashtu që të kthehet në luftë për titull kampioni - të cilën nuk e ka fituar që prej stinorit 2018/19.

KB Prishtina ka bërë të ditur se ekipi ka nisur përgatitjet për edicionin e ri të garave, ndërsa Dardan Berisha, Lejson Zeiqi e Derrick Wilson do t’i bashkohen ekipet prej të hënës që vjen.

Gjithashtu, bardhekaltërit kanë bërë të ditur se disa nga lojtarët nuk kanë arritur t’i kalojnë testet mjekësore, ndërsa trajnerët me stafin mjekësor do të vendosin për hapat e mëtutjeshme.