DERBI: BESA FAMGAS - PRISHTINA
BesaFamgas perfekte, fiton derbin
27 February, 2021 @22:30
Besa Famgas ka vazhduar ecurinë e saj perfekte në Superligën A të hendbollit, duke mposhtur sonte në derbi Prishtinën me rezultat 38-32 [19-15].
Pejanët kanë shënuar fitoren e njëzetë të stinorit nga njëzetë duele të zhvilluara dhe me 40 pikë janë në krye të tabelës - pa asnjë telash nga ndjekësit.
Përndryshe sonte në Karagaç më efikasi te vendasit ka qenë Drilon Tahirukaj. Ai shënoi 9 gola për ekipin e tij në fitore, derisa Victor Alonso Garcia shtoi 8 të tjera e Nikola Prce 7.
Te Prishtina më i dalluari ka qenë Petrit Prekazi me 8 gola të shënuara.
Pas kësaj ndeshjeje në Superligën A, Besa e para me 40 pikë vazhdon lidershipin perfekt, e ndjekur nga Prishtina me 31 pikë, që sonte pësoi humbjen e katërt të stinorit. Dyshja ndiqen nga Kastrioti, që ka 22 pikë!
