Barazhi i Ligës së Parë: Dinamo - Prishtina e Re

Pas fitores së Dinamos ndaj Rilindjes 1974 dhe barazimit të Trepçës’89 me Trepçën, ekipi ferizajas i Dinamos i drejtuar nga Bylbyl Sokoli ka siguruar pozitën e dytë në Ligën e Parë - Grupi A.

Me këtë, Dinamo ka siguruar përballjen e barazhit të Ligës së Parë ku do të luajë me pozitën e dytë të Ligës së Parë - Grupi B, Prishtina e Re. Fakt interesant është se të dyja skuadrat këtë stinor debutuan në Ligë të Parë dhe arritën sukses të madh.

TABELA PËRFUDIMTARE E LIGËS SË PARË

Fituesi i këtij dueli, Dinamo - Prishtina e Re, do të përballet në barazh për Superligë ndaj pozitës së tetë në elitë. Përndryshe, FFK ka përcaktuar stadiumin “Rexhep Rexhepi” të Drenasit ku përballja do të luhet më 26 maj.

Fituesi i kësaj ndeshjeje do të luan ndaj pozitës së tetë të Superligës më 1 qershor - për të përcaktuar ekipin e fundit që do të merr pjesë në Superligë për 2024/25.