Trepça’89 fiton dhe shpresat për barazh drejt Superlige, i çon në xhiron e fundit

Fitore e rëndësishme për Trepçën’89 ka qenë sot në “Riza Lushta” derisa ekipi i drejtuar prej Shpëtim Idrizit ka fituar duelin ndaj Drenicës: Trepça’89 - Drenica 3-1 [Ardian Hasani 26’, 70’, Williams Kouame 40’ - Mohamed Fofana 56’].

Golat e Ardian Hasanit janë treguar vendimtare për ekipin mitrovicas, derisa i njëjti shënoi i pari, por ishte edhe i fundit që tundi rrjetën për të rehatuar ekipin në fitore. ‘89-shi tash është i treti në renditje me një pikë më pak sesa Dinamoja e Ferizajit dhe në xhiron e fundit të stinorit do të shpresojë në humbje ose barazim të kundërshtarit, ndërsa vetë do të kërkojë fitore në derbi lokal ndaj Trepçës për të siguruar barazhin drejt Superligës.

TABELA AKTUALE

Sa i përket Drenicës, humbja e tetë e stinorit dhe qëndrim në mes të renditjes aktualisht, me 34 pikë në pozitë të pestë pas 26 xhirosh. Trepça’89 ka 48 pikë si e treta. Në xhiron e radhës dhe të fundit për këtë stinor në Ligën e Parë - Grupi A, ‘89-shi luan ndaj Trepçës, kurse Drenica pret Rahovecin.