LUNDRIM
Britanikët dominojnë në lundrim
12 August, 2016 @22:25
Dy të arta u kanë takuar lundruesve britanikë në ditën e dytë finale të garave në këtë sport.
Tek meshkujt, katërshja pa timonier ka përfunduar e para duke lënë Australinë dhe Italinë në pozitat për medaljen e argjendtë dhe të bronztë. Ndërkohë e arta tjetër ka ardhur në dyshe tek femrat. Helen Glover dhe Heather Stanning kanë përfunduar para dyshes nga Zelanda e Re dhe Danimarkës.
Sot janë zhvilluar edhe finalet në dyshe të lehtë me lopatë. Tek femrat Holanda ka marr të artën para Kanadasë dhe Kinës. Ndërkohë të meshkujt, dyshja franceze Pierre Houin e Jeremie Azou ka përfunduar garën para Irlandës dhe Norvegjisë.
Të shtunën mbyllen garat në disiplinën e lundrimit me finalet në Njëshe dhe Tetëshe në të dy konkurrencat.