CAVS vs CELTICS
Cleveland fiton nën ethe
30 December, 2016 @10:04
Kampioni aktual i NBA-së, Cleveland Cavaliers, dje në ndeshjen e luajtur kundër Boston Celticsit, e kishte krijuar epërsinë prej 20 pikëve.
Rehatia e fituar nga epërsia e rezultatit, ishte shumë afër që t’i kushtojë me humbje Clevelandit, ngase Boston nuk u dorëzua deri në fund të ndeshjes, ku këtë epërsi arriti ta zbrit deri në një pikë, por në fund Clevelandi megjithatë arriti të fitojë me rezultat 124-118.
Kyrie Irving luajti me 32 pikë, derisa u ndihmua edhe nga Kevin Love me 30 pikë të tjera, kurse LeBron James ishte larg dy kërcime për shifrat magjike triple-double ( 23 pikë, 11 asistime, 8 kërcime).
Te keltët më i miri ishte Isaiah Thomas me 31 pikë të shënuara.
Kjo ishte fitorja e 24-të e Clevelandit dhe gjendet në maje të Konferencës Lindore.
