TRAJNERI I FENI INDUSTRIES
Foto: balkanleague.net
Malinkov: Me pak fat, fituam Pejën
29 December, 2016 @12:43
Trajneri i Feni Industries, Ljupco Malinkov, ka thënë se ekipi i tij përkundër lojës së mirë të treguar ka rrezikuar gjithçka në fund, por falë fatit ka arritur te fitorja.
“Kemi luajtur shumë mirë në 3 çerekët e parë të ndeshjes. Në fund lodhja mbizotëroi, për shkak të lëndimeve të Nikolovskit dhe Pajicit. Qendrat tona Sharabidze dhe Djekic është dashur të luajnë më shumë sesa zakonisht dhe u stërlodhën në fund. Sidoqoftë, me pak fat menaxhuam rrugën te fitorja dhe jemi të lumtur për këtë,” ka thënë Malinkov, transmeton sot faqja zyrtare e BIBL.
Feni Industries, që përveç BIBL, luan edhe në ABA, ende nuk ka dalë kokulur nga palestra e vet këtë stinor në kuadër të ligës ballkanike.
