Curry kujdeset për fitoren e kampionit

Seria e finaleve të Konferencës Perëndimore, nisi me fitoren e Golden State Warriorsave, të cilët e mposhtën Portland Trail Blazers me rezultat 116-94.

Në ndeshjen ku epërsia u ngrit deri në 22 pikë, djelmoshat e trajnerit Steve Kerr, pa u rrezikuar seriozisht e mposhtën kundërshtarin më lehtë se sa që është pritur.

Në mungesë të super yllit Kevin Durant, në skenë ishte Stephen Curry. Ai gjatë ndeshjes luajti me 36 pikë, 7 asistime e 6 kërcime, derisa ishte i saktë 9 herë në 15 tentimet e tij nga vija e treshit.

Te Portlandi u dallua Damian Lillard me 19 pikë, 6 asistime e 4 kërcime.

SKEMA E PLAY OFFIT

Warriorsat kaluan 1-0 në epërsi në seri. Ndeshja e dytë do të luhet përsëri në “Oracle Arena” të Golden State më 17 maj në ora 03:00.