MË EFIKASI
Dardani përsëri mbi 30 pikë, por ekipi mposhtet
21 December, 2016 @8:59
Dardan Berisha ka vazhduar formën e mirë me ekipin e tij Polfarmex Kutno në elitën e basketbollit polak.
Ai edhe në xhiron e fundit ka shënuar mbi 30 pikë, duke qenë koshashënuesi më i mirë i ekipit, por ekipi i tij nuk ka arritur te fitorja përsëri.
Berisha ka luajtur me 31 pikë, 6 kërcime e 5 asistime në humbjen 77-72 që Polfarmexi e pësoi nga Trefl Sopot.
Reprezentuesi i Kosovës gjithashtu ka qenë lojtari me minutazhë më të madhe te ekipi i tij, duke qenë në parket për 37 minuta.
Pas këtij dueli, Polfarmex ka bilanc 3-8 në elitën e basketbollit polak. Ndërsa në xhiron që vjen luan ndaj ekipit të Siarkas.
