Të gjitha lajmet

OLIPIADA DIMËRORE: PYEONGCHANG 2018

Ditari Olimpik Nr. 1

Ditari Olimpik Nr. 1

Shkruan: LUAN MORINA

9 February, 2018 @12:19

Albini përfundoi i 74ti nga 85të skitarë në stërvitjen e parë në garën e Lëshimit, të enjten herët në mëngjes. Të premten, në ora 3 të mëngjesit është në program stërvitja e dytë. Distanca prej tetë sekondave nga lideri i stërvitjes së parë, Manuel Osborne-Paradis nuk është aq e tmerrshme për stërvitjen e parë ku shumica e skitarëve marrin me rezervë garën për tu njohur me shtegun. Përfundimi i garës do të jetë sukses për Albin Tahiri. E gara është në program të dielën në mëngjes, në të njëjtën kohë, e dy stërvitjet e mbetura do të duhej të mjaftonin që Tahiri të marr kurajë para garës.

Të premten është hapja solemne e garave të cilat që nga e mërkura kanë pasur stërvitje në disiplina të ndryshme. Para hapjes solemne që nis në ora 11:35 (gjithnjë sipas orës sonë), janë në program edhe disa gara tjera, kryesisht kualifikuese.

Kosovo flag @ Pyeongchang

Koreja Jugore, PyeongChang, është në zonë kohore prej tetë orësh më herët se Kosova. Si rrjedhojë një pjesë e konsiderueshme e garave do të nisin qysh në mesnatë me kohën tonë. Por, pos finaleve në skitari alpine (disiplinat e shpejtësisë), finalet në sportet tjera ku dukshmëria dhe drita e diellit nuk janë obliguese, do të zhvillohen në orët e pasdites dhe mbrëmjes koreane, në orët e hershme të mëngjesit dhe mesditës sipas orës sonë.

Garat e kurlingut në çiftet e përziera nisin në mesnatë, në ora 2:00 janë programi i shkurtër për meshkuj për të vijuar me programin e shkurtër për çifte në kuadër të disiplinës ekipore në patinazh artistik, dhe në të njëjtën kohë zhvillohen kualifikimet në skijim të lirë, moguls tek të dy gjinitë. Këto janë të vetmet gara që kanë efekt zyrtar në finalet gjatë ditëve në vijim.

Pos hapjes solemne, të cilën mund ta shihni në Eurosport dhe RTK, garat e sipërpërmendura mund ti shihni vetëm në Eurosport Player.

Curling

Eurosporti ka të drejtat ekskluzive në Kosovë për Olimpiadat deri në vitin 2024. Në një marrëveshje obliguese me transmetues kombëtar, ata kanë përcaktuar RTK-në të jap ngjarjet kryesore, shumicën e finaleve.

Dy kanalet e Eurosport që mund ti gjeni në shumicën e platformave televizive shfaqin të gjitha finalet, përfshirë edhe pjesë tjera të garave. Eurosport1 është shndërruar në kanal të plotë olimpik, derisa të gjitha garat janë në dispozicion edhe në Eurosport Player i cili ka një çmim mujor prej 6 eurove.

Alternativë tjetër janë edhe kanalet kombëtare të vendeve fqinje dhe kanalet Eurosport 1 HD Deutschland dhe TLC HD Deutschland, të cilat do të transmetojnë të lira Olimpiadën në satelitin Astra 19.2 shkallë në Lindje.

E për gjithçka tjetër, të gjitha ngjarjet kryesore në mënyrë tekstuale do të mbulohen ku tjetër pos tek Borozani.com

KAMPION I KOSOVËS

Luboteni kampion i Kosovës

5 May, 2019 @20:46

Duke e fituar ndeshjen e katërt të serisë finale të PlayOffit të Superligës, Luboteni është shpallë zyrtarisht kampion i Kosovës…

KAMPIONATI EVROPIAN I KADETËVE

Erza e artë në Rumani

Foto nga arkivi

4 May, 2019 @18:38

Xhudistja nga Kosova, Erza Muminoviq, ka marrë medaljen e artë në kampionatin evropian për kadetë që po mbahet në Rumani.…

SUPERLIGA FEMRAT

Drita e pandalshme, përsëri kampione e Kosovës

Fotot: FVK

4 May, 2019 @9:39

Vajzat e ekipit të Dritës janë kampione të Kosovës për sezonin 2018/19 në volejboll. Dhe tash, për të katërtën herë…

DUELI I KATËRT I SERISË

Mund të vendoset kampioni i Kosovës

4 May, 2019 @9:28

Me fitore në ndeshjen e tretë të serisë të zhvilluar në Bill Clinton të Ferizajit, Luboteni ka marrë epërsinë e…

TE FEMRAT DHE MESHKUJT

Duelet e tretë të serisë së finaleve

29 April, 2019 @11:06

Pas fitores së vajzave të Dritës në përballjen e dytë të serisë finale ndaj M Technologie, tashmë seria finale e…

Të gjitha lajmet nga Të tjera