Drilon Hajrizi — MVP i Kupës së Kosovës

Basketbollisti i Trepçës, Drilon Hajrizi, është shpallur MVP i Kupës së Kosovës në basketboll, pas paraqitjes së tij fantastike në finale ndaj Bashkimit, ku ekipi i tij fitoi Kupën e Kosovës për herë të parë pas dhjetë vitesh.

Hajrizi kreu ndeshjen me double-double prej 24 pikëve (më së shumti në ndeshje) dhe 12 kërcimeve, derisa bëri edhe 3 asistime dhe 3 topa të rrëmbyer në këtë përballje.