Drita e pandalshme, përsëri kampione e Kosovës

Vajzat e ekipit të Dritës janë kampione të Kosovës për sezonin 2018/19 në volejboll. Dhe tash, për të katërtën herë me radhë, pasi që fituan lehtë edhe serinë finale të PlayOffit, për tu kurorëzuar përfundimisht me titull.

Ato kanë kryer serinë finale të PlayOffit në mënyrë perfekte duke e mposhtur M-Technologien 3-0 në seri, ndërsa në ndeshjen e fundit të zhvilluar në Bashkim Selishta - Petriti të Gjilanit ato kaluan kundërshtaret finale me 25-18, 25-12 dhe 25-16 (3-0 në sete).

Finalja u zhvillua para 3 mijë shikuesve të mbledhur për të përkrahur vashat bardhekaltëra gjilanase në fitoren e fundit të serisë, që u kurorëzua me titull kampioni për Dritën.