Duelet e tretë të serisë së finaleve

Pas fitores së vajzave të Dritës në përballjen e dytë të serisë finale ndaj M Technologie, tashmë seria finale e Superligës së femrave në volejboll është 2-0.

Nesër mbrëma në Bashkim Selishta - Petriti të Gjilanit vajzat e Dritës mund të kurorëzohen kampione të Kosovës për këtë sezon pasi që do të kenë mundësinë që para publikut të vetë me fitore të bëjnë serinë 3-0 dhe të mbrojnë titullin.

Dueli nis në ora 20:00 dhe luhet më 30 prill.

Në anën tjetër te Superliga e meshkujve puna është tjetër. Prishtina Volley ka barazuar rezultatin me Lubotenin dhe tashmë ekipi ferizajas do të kërkojë të rimerr epërsinë e serisë finale.

Dueli Luboteni - Prishtina Volley aktualisht është 1-1, ndërsa ndeshja e tretë luhet më 1 maj me fillim në ora 20:00 në Bill Clinton të Ferizajit.