BOKS
E arta e parë për Uzbekistanin
14 August, 2016 @22:49
Hasanboy Dusmatov ka fituar të artën e parë në sportin e boksit në këtë olimpiadë.
Në finale, Dusmatov mposhti kolombianin Yuberjen Martinez me rezultat të plotë 3-0. Për Dusmatovin dhe Uzbekistanin ishte kjo e arta e parë në kategorinë flutur të lehtë, deri në 49kg.
Dusmatov kishte mposhtur amerikanin Nico Hernandez i cili mbeti me të bronztën, medalje e cila i takoi edhe kubanezit Joahnys Argilagos.
Të hënën zhvillohet finalja në kategorinë e rëndë, deri në 91kg ku për titullin olimpik do të luftojnë rusi Evgeny Tishchenko dhe Vasiliy Levit nga Kazakistani. Lufta nis në ora 12:15 pas mesnate.
