TEODO-BEROE
Beroe, para ndeshjes/ BOROZANI/ A. P.
Fitore si mysafir, Beroe thuajse finalist
22 March, 2017 @9:31
Skuadra e vetme e Bullgarisë që po garon këtë stinor në BIBL, Beroe, është shumë afër finales së kësaj gare.
Beroe ka mposhtur Teodon mbrëmë si mysafir për të krijuar avantazh të madh para ndeshjes së kthimit që zhvillohet në Bullgari.
Teodoja malazeze është mposhtur në Tivat nga Beroe me rezultat 69-78.
Brandis Raley Ross ka qenë më i miri te Beroe. Ai luajti me 22 pikë, 7 asistime e 5 kërcime në fitore, ndërsa Milos Popovic me 20 pikë e Radomir Marojevic me 14 tjera, nuk mjaftuan për Teodon.
Dueli i kthimit zhvillohet në Stara Zagora të Bullgarisë më 28 mars, kur edhe do të zyrtarizohet finalisti i parë për edicionin e sivjetëm të BIBL.
