GAME 3: GRAPELAND - NEW BASKET
TOPSPORTI / Arian Paçarizi
Grapelandi në finale
1 April, 2025 @22:31
Skuadra e Grapelandit, duke e mposhtur New Basketin me rezultat 86-75, është kualifikuar në finale të Play Offit në Ligën e Parë.
Skuadra nga Rahoveci, e nisi ndeshjen me një seri prej 12-0, e më pas rezultati shkoi deri në 16-1.
Më pas New Basketi u këndell dhe në fund të pjesës së parë rezultati u barazua në 41-41.
Skudra Prizrenase çerekun e tretë e mbylli me 1 pikë epërsi 58-59, derisa në çerekun e fundit Grapelandi ishte skuadra që gaboi më pak dhe arriti fitoren e dytë në seri për t’u kualifikuar në finale.
Kapiteni Bardh Rexha, shkëlqeu me double-double prej 30 pikëve e 17 kërcimeve,derisa u ndihmua edhe nga Khari Broadway me 19 pikë dhe Kujtim Ujkani me 14 pikë e 12 kërcime.
Te New Basketi u veçuan Jordan Robinson me 19 pikë e 11 kërcime, Idoll Pallushime 19 pikë dhe Hajriz Hazeri me 13 pikë, 10 kërcime e 8 asistime.
Grapelandi serinë e përfundoi me rezultat 2-1, derisa në finale do të takohet me KB KEK-un.
