NEW BASKET - ISTOGU
TOPSPORTI / Arian Paçarizi
Istogu kthehet me fitore nga Prizreni
19 October, 2024 @0:52
Skuadra e Istogut e mposhti New Basketin me rezultat 72-84 në “Sezai Surroi” në Prizren.
Istogu gjatë ndeshjes e ngriti epërsinë deri në 24 pikë, derisa New Basketi me 5 treshet e Altin Shalës, u mundua të rikthehet në lojë, por nuk arriti në fund.
Brandon Adelman me 20 pikë e 11 kërcime ishte më i dalluari te Istogu. Ujkan Karanezi gjithashtu luajti me double-double kundër ish-skuadrës së tij me 15 pikë e 11 kërcime.
Te New Basketi u veçuan Etnik Peci me 20 pikë, Altin Shala me 19 pikë, dhe Qëndrim Ajazaj me 14 pikë.
Istogu në xhiron e dytë do të takohet me Borean, kurse New Basketi me Grapeland.
