Të gjitha lajmet

SPONSORIZIMI NË SPORT

KOK reagon për mos votimin e ligjit

Foto: KOK

KOK reagon për mos votimin e ligjit

20 June, 2019 @11:00

Komiteti Olimpik i Kosovës është shprehur i zhgënjyer me mos kalimin e ligjit mbi tatimin e të ardhurave në korporata në Kuvendin e Kosovës, që do t’i hapte rrugë të menjëhershme ligjit për sponsorizim në fushën e sportit.

Kështu, KOK ka lëshuar një komunikatë ku ka kërkuar votimin e saj që në seancën e radhës.

KOMUNIKATA:

Mos kalimi i Ligjit për Tatimin e të Ardhurave në Korporata në Kuvend, përkatësisht amendamenti, i cili do t’i jepte rrugë të menjëhershme Ligjit të Sponsorizimit në fushën e Sportit, Kulturës e Rinisë, ka befasuar gjithë komunitetin e sportit, të cilët kanë shprehur zhgënjimin e madh me hezitimin e disa deputetëve të Kuvendit të Republikës së Kosovës.

Komiteti Olimpik i Kosovës, si institucioni më i lartë sportiv në Kosovë, ka mbetur tej mase i habitur se si një amendament i cili e dërgon përpara zhvillimin e sportit në Kosovë, i cili do të krijonte qindra e mijëra vende të reja të punës, do ta ulte shkallën e informalitetit, e do e ndalte valën e largimit të rinisë nga Kosova, nuk gjeti përkrahjen edhe nga deputetët, të cilët jo rrallë herë dinë të krenohen me arritjet e sportistëve.

Sportistët tanë janë ata që po na bëjnë të lumtur e krenar me rezultatet kulminante, duke e promovuar e lartësuar flamurin dhe Shtetin e Kosovës në gjithë botën, madje edhe në vendet ku deputetëve të Kosovës dhe gjithë të tjerëve iu mohohet edhe hyrja.

Duam të ju rikujtojmë se numri i klubeve në Kosovë, në vend se të vazhdon rritjen, nga dita në ditë po e vazhdon rënien, duke bërë që shumë klube, madje edhe ato më me nam të gjejnë shuarjen, në vend të gjetjes së përkrahjes nga sponsorët dhe nga institucionet e Republikës së Kosovës.

Ndërkombëtarizimi i sportit pas luftës ishte synimi më i madh i të gjitha sporteve, ndërsa shumë sosh, detyrohen sot 20 vite pas lufte që shkaku i mos përkrahjes së mjaftueshme financiare, të mos arrijnë të marrin pjesë në gara ndërkombëtare.

Andaj, duke besuar se mos votimi i këtij ligji nga deputetët ishte jo i menduar mirë, ju bëjmë thirrje të gjithë deputetëve të Kuvendit të Republikës së Kosovës, që këtë ligj ta votojnë në seancën e radhë dhe kështu me votën e tyre të bëhen pjesë e një zhvillimi të hovshëm të sportit të Kosovës.

EJU

Kuka i zgjedhur në Komisionin e trajnerëve të Evropës

Foto: IJU

1 May, 2020 @1:07

Federata Evropiane e Xhudos (EJU) i ka dërguar letër Federatës së Xhudos së Kosovës (FXHK) duke i bërë të ditur…

VIDEO CONFERENCE

Një numër i Federatave, e gatshme për vazhdim të garave

Foto: KOK

1 May, 2020 @0:58

Krerët e Komitetit Olimpik të Kosovës (KOK) kanë mbajtur të enjten një video takim me krerët e federatave sportive ët…

FONDI EMERGJENT

Komuna e Prishtinës ndan 100 mijë euro për klubet e rrezikuara

10 April, 2020 @19:54

Pandemia coronavirus po prek çdo pjesë të jetës dhe ndër më të rrezikuarat është sporti, që është në nivelin zero,…

EDHE TESTI NR. 2 NEGATIV

Boksierët e Kosovës, negativ në coronavirus

2 April, 2020 @21:21

Përfundimisht, ekipi Olimpik i boksierëve të Kosovës është negativ në coronavirus. Para pak çastesh KOK ka zyrtarizuar njoftimin, ndërsa…

CORONAVIRUS

Cila Federatë sa përfitoi nga Ministria?!

31 March, 2020 @22:14

Federata e Futbollit të Kosovës (FFK) ka dalë e para në shumën e përfituar, të ndara si ‘infuzion’ për sportet…

Të gjitha lajmet nga Të tjera