Kosova me 5 xhudistë në Kampionatin Botëror, mungon ylli kryesor

Shteti i Kosovës në Kampionatin Botëror të xhudos do të garojë me 5 xhudistë.

Këtë e ka bërë të ditur vet Federata e Xhudos së Kosovës nëpërmjet një njoftimi.

Pjesë e ekipit kosovar në Botëror nuk do të jetë medalistja e artë olimpike, Majlinda Kelmendi, sikurse që do të mungojë edhe xhudistja tjetër e suksesshme Loriana Kuka.

Kampionati Botëror i Xhudos do të mbahet në Budapest të Hungarisë në datat 6-13 qershor.

Xhudistët që do të marrin pjesë janë:

1.Distria Krasniqi (-48kg)
2.Nora Gjakova (-57kg)
3.Flaka Loxha (-57kg)
4.Laura Fazliu (-63kg)
5.Akil Gjakova (-73kg)