Kosova mposht Madagaskarin në Fed Cup

Në kuadër të turneut të tenisit Fed Cup që po mbahet në Tunizi, vajzat që po e përfaqësojnë Kosovën në këtë sport e kanë mposhtur sot përfaqësuesen e Madagaskarit me rezultat 2-1 në 3 duelet e zhvilluara.

Teniserja kosovare Arlinda Rushiti e mposhti 2-0 në sete teniseren Tsantaniony, Liridona Murati u mposht nga nga Robinson 2-1 në sete, ndërsa fitorja e Kosovës erdhi pasi që në sistemin ‘double’, Arlinda Rushiti e Blearta Ukëhaxhaj fituan 2-1 ndaj kundërshtareve nga Madagaskari dhe i dhanë Kosovës fitoren me rezultat 2-1.

Në të njëjtin grup me Kosovën e Madagaskarin ndodhen edhe Qipro, Tunizia e Algjeria, ku favorite për të qenë fituese e grupit llogaritet Tunizia, e cila ka teniseret e ranguara më së larti në listën e WTA-së në krahasim me përfaqësueset e tjera të grupit.

Fituesi i këtij grupi luan me fituesin e grupit tjetër, e më pas fituesi i përgjithshëm kalon një kategori më lartë për edicionin e vitit të ardhshëm.