KOSOVA U21 - PARAGUAJI U21 / IHF TROPHY INTERCONTINENTAL
Foto: FHK
Kosova në finale, një fitore larg Botërorit
13 April, 2019 @20:57
Përfaqësuesja e Kosovës U21 në hendboll ka arritur të shënojë fitore edhe në duelin gjysmëfinal të IHF Trophy Intercontinental sonte, duke e mposhtur Paraguajin 36-27.
Me këtë fitore, Kosova U21 ka siguruar finalen e garës që po zhvillohet në Prishtinë dhe tash në finale do të ndeshet me Taipein Kinez.
Kosova U21 kishte mposhtur Taipein Kinez në ndeshjen e parë të turneut, sidoqoftë në finale pritet të jetë një duel tjetër dhe në rast të fitores, Kosova U21 do të sigurojë biletën alternative për Kampionatin Botëror të U21-shave që mbahet në Spanjë.
Finalja Kosova - Taipei Kinez zhvillohet nesër (e diel, 18:00, 14 prill)
