GAME 7: RAPTORS - SIXERS
FOTO / nba
Leonardi dërgon Toronton në finale
13 May, 2019 @10:40
Me shënimin e super yllit Kawhi Leonard në sekondat e fundit, Toronto Raptors e mposhti Philadelphia 76ers me rezultat 92-90 dhe u kualifikua në finale të Konferencës Lindore.
Rezultati ishte i barabartë 90-90, kishin mbetur edhe 4 sekonda lojë, përgjegjësinë e mori Kawhi Leonardi, i cili nga një pozitë shumë të vështirë mbi Joel Embiid, gjuajti dhe arriti të shënojë për fitore.
Leonardi shkëlqeu me 41 pikë e 8 kërcime gjatë ndeshjes, derisa ndihmë mori edhe nga Serge Ibaka me 17 pikë të tjera.
Te Philadelphia 76ers më i dalluari ishte Joel Embiid me 21 pikë e 11 kërcime.
Toronto Raptors në finale të Konferencës Lindore do të takohet me Milwaukee Bucks, ndërsa kjo seri fillon më 16 maj në ora 02:30.
