MUNDJE
Maroulis i jep fund epokës së Yoshidas
19 August, 2016 @0:54
Në karrierën e saj profesioniste, mundësja japoneze Saori Yoshida ka fituar gjithçka që mund të fitohet. Që nga viti 2002, Yoshida ka fituar 13 kampionate botërore dhe tri olimpiada në disiplinën 55kg, tash 53kg.
Gjatë kësaj periudhe ajo ishte mposhtur vetëm dy herë – në gara të kupës së botës në vitin 2008 dhe në vitin 2012. Humbja e saj e tretë në karrierë erdhi në finalen e olimpiadës së Rios.
Kampionia botërore nga viti i kaluar, amerikania Helen Maroulis befasoi të gjithë duke mposhtur Yoshidan me rezultat 4-1. Në këtë kategori të bronztat ishin për Nataliya Synyshyn nga Azerbajxhani dhe Sofia Mattsson nga Suedia.
Por, Japonia u nda edhe me një titull nga kjo olimpiadë. Titulli i katërt nga gjashtë disiplina në mundje sa janë në këtë olimpiadë, për Japoninë erdhi në kategorinë deri 63kg. Risako Kawai vazhdoi traditën e Kaori Icho, e cila kishte triumfuar në tri olimpiadat e kaluara në këtë kategori, duke mposhtur në finale Maryia Mamashuk nga Bjellorusia me rezultat 6-0. Yekaterina Larionova nga Kazakistani dhe Monika Michalik nga Polonia morën të bronztat.
Finalja e fundit tek fermat i takoi Erica Wiebe nga Kanadasë e cila fitoi kategorinë deri 75kg duke mposhtur në finale Guzel Manyurova nga Kazakistani. Zhang Fengliu nga Kina dhe Ekaterina Bukina nga Rusia morën të bronztat.
