ATLETIKË
Më në fund Clement
18 August, 2016 @23:32
Pasi kishte marr të bronztën në Pekin dhe kishte përfunduar i fundit në finalen e Londrës, Kerron Clement doli të marr të artën në disiplinën 400m vrapim me pengesa. Amerikani shtegun e kaloi për 47.73 sekonda duke arritur rezultatin më të mirë të sezonit.
Medalja e argjendtë shkoi për atletin nga Kenia, Boniface Mucheru Tumuti. Kampioni afrikan shënoi kohën prej 47.78 për rekord kombëtar. Kohën më të mirë në histori të Turqisë e arriti edhe Yasmani Copello. Kampioni evropian me origjinë nga Kuba siguroi medaljen e bronztën për shtetin turk me kohë 47.92 sekonda.
