Medaljet për njomaket kineze

Kinezet Ren Qian dhe Yajie Si morën medaljen e artë dhe të argjendtë në disiplinën e fundit femra në sportin e zhytjes në olimpiadën e Rios, 10m platformë. Qian, 15 vjeçare deklasoi konkurrencën duke marr edhe nota 10, për të përfunduar me 439.25 pikë në fund. Bashkëkombësja e saj, 17 vjeçarja Si, mbeti mbrapa për rreth 20 pikë, por 419.40 i mjaftuan për titullin e dytë të madh në karrierë, pas triumfit në kampionatin botëro në Kazan.

Kanadezja Meaghan Benfeito shtoi edhe një të bronztë nga këto Lojëra, të parën në konkurrencën individuale. Ajo përfundoi garën me 389.20 pikë.