Nadal tërhiqet nga US Open

Ylli spanjoll i botës së tenisit, Rafael Nadal, nuk do të mund të mbrojë titullin e Grand Slamit në SHBA, US Open. Ai nuk ka arritur të shërohet nga lëndimi i tij i këmbës dhe kështu ka njoftuar në faqen e tij zyrtare të Facebookut lidhur me mospjesëmarrjen në njërin ndër katër turnetë më të famshme botërore të tenisit. 

“Jam tejet i zhgënjyer që nuk do të mund të luaj këtë vit në US Open, një turne ky ku i regjistrova tre pjesëmarrje radhazi në finale,” ka thënë ndër të tjera spanjolli Nadal, që ka fituar këtë turne në vitin 2010 dhe 2013.