Ndërkombëtarizohet edhe noti

Kjo Federatë, do të mbajë në mend 17 shkurtin edhe si ditë kur u erdhi konfirmimi për pranim nga shtëpia ndërkombëtare.  Borozani.com

FINA, Federata Ndërkombëtare e Notit, në vendimin e marrë mbrëmë, ka pranuar Kosovën në gjirin e saj, që do të thotë se tash e tutje notuesit kosovar do të mund të garojnë në Lojërat e sivjetme inauguruese Europiane në Baku të Azerbejxhanit. 

Me rezultatet e arritura aty, notuesit kosovarë do të mund të kërkojnë kualifikimin për në Olimpiadën e Rios në 2016. 

Për më tepër, Kosova ka të drejtë të garojë edhe në Kampionatin Botëror të FINA-së që mbahet në Kazan të Rusisë. 

Kosova kështu është bërë vendi i 208 anëtar në botë në FINA, derisa i 52-të në Europë.