FUTSALL
Foto: FC Liburn Facebook
Ndeshja e parë i takoi Feniksit
26 May, 2016 @19:59
Në ndeshjen e parë të serisë finale në kampionatin e Kosovës në Futsall, fituese doli skuadra e Feniksit nga Drenasi, e cila në palestrën ‘Shani Nushi’ në Gjakovë mposhti vendasit e Liburnit me rezultat 5-7.
Gjakovarët ishin në epërsi me rezultat 4-1, mirëpo disa gabime të njëpasnjëshme në pjesën e dytë bënë që rezultati të përmbysej nga mysafirët e Drenasit.
Vlen të përmendet fakti që në sallë për ta shikuar takimin ishin mbi 2500 persona.
Ndeshja e dytë e serisë zhvillohet në Drenas ditën e dielë (29 maj). Nëse fiton Feniksi, seria mbyllet me Feniksin kampion, ndërsa nëse triumfon Liburni, finalja e madhe zhvillohet në Gjakovë.
