“Nëse nuk e njeh Kosovën, suspendohesh!”

Një vërejtje për Spanjën nga Komiteti Ndërkombëtar Olimpik!

Sipas gazetës spanjolle El Pais, nga Komiteti Ndërkombëtar Olimpik të enjten do të dërgohet një letër në drejtim të Komitetit Olimpik Spanjoll, letër e cila do t’ia tërheqë vërejtjën spanjollëve në lidhje me mospranimin e simboleve shtetërore të sportistëve me pasaportë kosovare që garojnë në ngjarjet e ndryshme sportive që organizohen në shtetin iberik.

“Duhet të arrihet një kompromis dhe të mos përzihet politika. Sportistët nga Kosova duhet të marrin pjesë pa problem në ngjarjet sportive në Spanjë me flamurin dhe himnin e tyre, ashtu si në çdo shtet tjetër. Në rast se kjo nuk iu lejohet atyre, Spanja do të suspendohet nga organizimi i ngjarjeve të ndryshme sportive.” - raportohet të jetë shkruar në letrën e Komitetit Ndërkombëtar Olimpik.