Newson ndahet me Rahovecin

Basketbollisti amerikan i KB Rahovecit, Xavier Newson, ka shkëputur marrëveshjen me klubin e vreshtarëve, ka bërë të ditur sot faqja zyrtare e ekipit në fjalë.

“Ai është larguar drejt SHBA-së, ku do të vazhdojë karrierën,” ka shkruar ndër të tjera njoftimi, duke i falenderuar lojtarit për kontributin.

TABELA AKTUALE E SUPERLIGËS

Newson për 11 ndeshje sa ishte pjesë e Rahovecit këtë stinor ka pasur mesatare prej 14 pikëve për ndeshje, 4.7 kërcimeve për ndeshje dhe 1.1 asistimi për ndeshje.

Rahoveci këtë stinor është duke e kaluar vitin më të mirë në histori të klubit, pasi që aktualisht është i treti në renditje dhe po synon Play-Offin për herë të parë.

NDESHJET E XHIROS

Të drejtuar nga Mark Rodiqi, vreshtarët aktualisht kanë bilanc 8-4 në Superligë, ndërsa në xhiron e radhës, që zhvillohet nesër do të ndeshen me ekipin e Trepçës në “Shani Nushi” të Gjakovës, aty ku po i luajnë ndeshjet si vendas.