AUDRIUS PRAKURAITIS
Prakuraitis: Kthyem epërsinë e terrenit, finalja vazhdon
17 May, 2017 @21:30
Trajneri i Sigal Prishtinës, Audrius Prakuraitis, pas ndeshjes ka qenë i kënaqur me lojën e basketbollistëve që drejton dhe u ka uruar fitoren që ka barazuar serinë finale të Play-Offit, 1-1.
“Me mbrojtje të fortë ne e fituam këtë ndeshje. Tash, kemi kthyer epërsinë e terrenit në të mirën tonë, pas një loje shumë të fortë të zhvilluar sonte,” ka thënë ndër të tjera trajneri lituanez pas fitores së bardhekaltërve si mysafir në Sezai Surroi të Prizrenit.
Sigal Prishtina me fitore ka barazuar serinë në 1-1 dhe ka kthyer epërsinë e terrenit vendas në finale të serisë. Ndeshja e radhës zhvillohet të premten mbrëma në Prishtinë, ndërsa kampion shpallet ekipi që arrin tre fitore së pari.
