PRISHTINA - BASHKIMI
Prishtina pa telashe ndaj Bashkimit
10 November, 2021 @20:55
Skuadra e Prishtinës e mposhti Bashkimin pa telashe me rezultat 73-62
Prishtina çerekun e parë e mbylli me 5 pikë epërsi, derisa pas çdo çereku e thelloi epërsinë për ta regjistrua një fitore më lehtë se sa që është pritur.
Lejson Zeqiri me 17 pikë ishte koshashënuesi më i mirë te Prishtina, derisa u dalluan edhe Muhamedali Janjeva me 14 pikë, Biram Faye me double-double prej 13 pikëve e 10 kërcimeve dhe Wendell Mitchell me double-double gjithashtu prej 10 pikëve e 13 kërcimeve.
Te Bashkimi më i veçuari ishte Valon Bunjaku me 17 pikë, 5 kërcime e 3 asistime dhe u ndihmua edhe nga Immanuel King me 13 pikë e 10 kërcime dhe Anton Kazarnovski me 12 pikë.
Prishtina me një ndeshje më shumë ngritet në pozitën e dytë me 6 fitore e 4 humbje, kurse Bashkimi ka bilanc prej 5 fitoreve e 5 humbjeve.
Në xhiron tjetër Prishtina takohet me Yllin, kurse Bashkimi me Rahovecin.
